Dividimos aos nenos e nenas da aula en 2 grupos. Primeiro escollemos a dous capitáns, capitás voluntarios e que non foran en cursos anteriores. Os capitáns e capitás serán os encargados de organizar ensaios e presentar nas aulas. A continuación irán escollendo por turnos aos demais compoñentes do seu coro, coidando de que sexan mixtos.  Escollemos a panxoliña para a aula, buscando no música tradicional; O quiquiriquí, Cantos de Nadal, Fuxan os ventos ou nalgunha das composicións modernas de Mamacabra ou similar. Os primeiros ensaios faranse na clase co asesoramento da mestra. Poden nstrumentar a panxoliña. Posteriormente e conforme se vai achegando o día da actuación, os equipos terán que facer un pequeno ensaio nos recreos. Isto permítenos ver como se organizan, que problemas xurden, o valor do ensaio...O último día antes das vacacións de Nadal irán a actuar polas 4 aulas que lles toca. Procuraremos que actúen nas aulas nas que os compoñentes teñen irmáns.

Ao rematar a actuación reciben o aguinaldo que xa está preparado nas aulas e que consiste nunha moeda de chocolate ou similar.

Esta actividade debido ao seu gran potencial como preservadora da tradición oral e os costumes do Nadal,  está incluída nos proxectos de Normalización lingüística e subvenciona a adquisición das chocolatinas.